کو بہ کو پھیل گئی

 

کو بہ کو پھیل گئی بات شناسائی کی

اس نے خوشبو کی طرح میری پذیرائی کی

 

کیسے کہ دوں کہ مجھے چھوڑ دیا ہے اس نے

بات تو سچ ہے مگر بات ہے رسوائی کی

 

وہ کہیں بھی گیا،لوٹا تو مرے پاس آیا

بس یہی بات ہے اچھی مرے ہرجائی کی

 

تیرا پہلو،ترے دل کی طرح آباد رہے

تجھ پے گزرے نہ قیامت شب ِتنہائی کی

 

اس نے جلتی ہوئی پیشانی پر جب ہاتھ رکھا

روح تک آ گئی تاثیر مسیحائی کی

 

اب بھی برسات کی راتوں میں بدن ٹوٹتا ہے

جاگ اٹھتی ہیں عجب خواہشیں انگڑائی کی

 

پروین شاکرؔ

" PERVEEN SHAKIR "

Ku Ba Ku Phail Gayi Baat Shinasai Ki

Us Ney Khushboo Ki Tarah Meri Pazeerai Ki

Kaisay Kah Don Kay Mujhay Choor Diya Us Ney

Baat Tu Sach Hai Mager Baat Hai Ruswai Ki

Woh Kahin Bhi Giya,Louta Tu Meray Pass Aya

Bus Yahi Baat Hai Aachi Meray Harjai Ki

Tera Pahlu,Teray Dil Ki Tarah Abaad Rahey

Tujh Pay Guzray Na Qiyamat Shab-e-Tanhai Ki

Us Ney Jalti Hoi Peshani Per Jab Hath Rakha

Rooh Tak Aa Gayi Taseer Maseehai Ki

Aab Bhi Barsaat Ki Raton Mein Baden Tootta Hai

Jaag Uthti Hain Ajab Khuwahishain Angrai Ki

HOME