ہمیشہ دیر کر دیتا ہوں میں

 

ہمیشہ دیر کر دیتا ہوں میں ہر کام کرنے میں

ضروری بات کہنی ہو،کوئی وعدہ نبھانا ہو

اُسے آواز دینی ہو اُسے واپس بلانا ہو

ہمیشہ دیر کر دیتا ہوں میں

 

مدد کرنی ہو اسکی،یار کی ڈھارس بندھانا ہو

بہت دیرینہ راستوں پر کسی سے ملنے جانا ہو

ہمیشہ دیر کر دیتا ہوں میں

 

بدلتے موسموں کی سیر میں دل کو لگانا ہو

کسی کو یاد رکھنا ہو کسی کو بھول جانا ہو

ہمیشہ دیر کر دیتا ہوں میں

 

کسی کو موت سے پہلے کسی غم سی بچانا ہو

حقیقت اور تھی کچھ اس کو جا کے یہ بتانا ہو

ہمیشہ دیر کر دیتا ہوں میں ہر کام کرنے میں

 

منیر نیازی ؔ

" MUNIR NIAZI "

Hamesha Dair Kr Deta Hun Mein Her Kaam Krnay Mein

Zaroori Baat Kahni Ho,Koi Wadah Nibana Ho

Usay Awaz Deni Ho Usay Wapis Bulana Ho

Hamesha Dair Kr Deta Hun Mein

Madad Krni Ho Uski,Yaar Ki Dharas Bandhana Ho

Bohut Daireena Raston Per Kisi Say Milnay Jana Ho

Hamesha Dair Kr Deta Hon Mein

Badaltay Mosmon Ki Sair Mein Dil Ko Lagana Ho

Kisi Ko Yaad Rakhna Ho Kisi Ko Bhool Jana Ho

Hamesha Dair Kr Deta Hun Mein

Kisi Ko Mout Se Pehlay Kisi Gham Se Bachana Ho

Haqeeqat Aur Thi Kuch Us Ko Ja Kay Yah Batana Ho

Hamesha Dair Kr Deta Hun Mein Her Kaam Krnay Mein

HOME