ہے محبّت کاصِلہ کچھ اور

 

ہے محبّت کاصِلہ کچھ اور

دردکچھ اور ہے دوا کچھ اور

 

غم کا صحرا عجیب صحرا ہے

جتنا کاٹا یہ بڑھ گیا کچھ اور

 

بھیڑ میں آنسوؤں کی سن نہ سکا

تم نے شاید کہا تو تھا کچھ اور

 

کم نہیں وصل سے فراق تیرا

اس زیاں میں ہے فائدہ کچھ اور

 

دل کسی شے پہ مطمین ہی نہیں

مانگتا ہے یہ اژدہا،کچھ اور

 

تیرے غم میں حسابِ عمر رواں

جتنا جوڑا،بکھر گیا کچھ اور

 

وصل کی رات کاٹنے والے

ہے شب غم کا ذائقہ کچھ اور

 

ہر طرف َبھیڑ تھی طبیبوں کی

روگ بڑھتا چلا گیا کچھ اور

 

کٹ گئے دھار پہ زمانے کی

ہم سے امجد نہ ہو سکا کچھ اور

 

امجد اسلام امجد

 

"Amjad Islam Amjad"

Hai Muhabbat Ka Sila Kuch Aur

Dard Kuch Aur Hai Dua Kuch Aur 

Gham Ka Sehra Ajeeb Sehra Hai 

Jitna Kaata Yeh Bhar Giya Kuch Aur

Bheer Mein Ansoon'on Ki Sun Na Saka

Tum Nay Shayed Kaha Tu Tha Kuch Aur

Km Nahi Wasal Say Firaaq Tera

Is Ziyan Mein Hai Faida Kuch Aur

Dil Kisi Shay Pay Mutmaeen Hi Nahi

Mangta Hai Yah Azdaha,Kuch Aur 

Teray Gham Mein Hisab-e-Umer Rawan

Jitna Jora,Bhikher Giya Kuch Aur

Wasal Ki Raat Kaatnay Walay

Hai Shab-e-Gham Ka Zaiqa Kuch Aur

Her Taraf Bheer Thi Tabeebon Ki 

Roog Bharta Chala Giya Kuch Aur

Kat Gaye Dhaar Pay Zamanay Ki

Hum Say "AMJAD" Na ho Saka Kuch Aur 

HOME